Kilogram kajsija i nektarina može se kupiti za po dva i po eura, breskve su od dva i po do tri eura, dok je kilogram jabuka dva i po eura. Kilogram ulcinjske lubenice je euro, koliko košta i kilogram pipuna, banane se mogu kupiti za dva eura, smokva i grožđe su prodavani po pet eura, a borovnica deset eura. Kilogram domaćeg limuna je tri eura, kivi košta 3,50, a pomorandže su euro jeftinije pa se kilogram može pazariti za dva i po eura.
Kada je u pitanju povrće, kilogram paradajza je dva, rozi je tri eura, krastavac se može kupiti od euro i po do dva i po, tikvica je euro i po, patlidžan od tri do pet eura, krompir je 1,20, dok se paprika babura može kupiti za dva, a crvena paprika za tri eura. Kilogram crmničkog luka je dva i po eura, veza mladog luka je euro.
Za kilogram šargarepe treba platiti dva i po eura, raštan se može kupiti za 2,50, salata za dva, dok je blitva 1,50 eura. Boranija je prodavana za četiri eura.
Sir od 6,50 do 12 eura
Nepromijenjene su i cijene mliječnih proizvoda. Kilogram kučkog sira košta deset eura, a pljevaljskog devet. Lisnati sir može se kupiti za 12, a mladi od 6,50 do sedam eura. Za kilogram kajmaka potrebno je izdvojiti 15 eura, a masla 20 eura.
Izvor: Dan
