Na tezgama u TC “Gintaš” prodavci prodaju smokve koje po kilogramu cijene pet eura.
Građani na pijaci mogu kupiti i borovnice koje su cijenjene za devet eura, dok su šljive od 1,50 do 2,50 eura. Maline su nuđene od pet do deset eura, a na nekim tezgama još se mogu naći jagode koje koštaju 14 eura. Lubenice se po kilogramu prodaju za 60 centi, dok je pipun euro. Breskve i nektarine cijenjene su 2,50, banane dva, a jabike od 1,50 do dva eura. Grožđe se može kupiti za 2,50 eura, a trešnje za osam eura.
Kilogram krompira košta od 0,80 do euro, dok je paradajz od euro do 2,50, a krastavac 1,50 eura. Paprike, u zavisnosti od vrste koštaju od dva do 2,50 eura, koliko treba izdvojiti i za luk. Tikvice su euro, a cvekla je 50 centi skuplja. Kilogram šargarepe košta od 1,50 do dva, dok je boranija od tri do pet eura.
Kilogram starog sira košta devet eura, a toliko je potrebno platiti i kučki sir. Za mladi sir potrebno je izdvojiti 6,50 eura, a kolašinski je cijenjen 12 eura. Mladi kajmak košta 15, a stari je tri eura jeftiniji. Jaja po komadu cijenjena su od 18 do 40 centi.
Orah 12, a lješnik 18 eura
Na pijaci orasi se mogu kupiti za 12 eura po kilogramu, a toliko košta i badem. Lješnik je nešto skuplji pa ga prodavci cijene 18 eura. Indijski orah košta 15, a brazilski 25 eura. Za brusnicu neophodno je izdvojiti od deset do 12, dok je suvo grožđe sedam eura. Kilogram susama košta šest, čija sjemenki 10, a laneno sjeme je pet eura.
U ponudi prodavci imaju i med koji košta od 15 do 20 eura, kao i maslinovo ulje koje cijene od 12 do 15 eura.
Izvor: Dan
