Za Milošem Medenicom, sinom bivše predsjednice Vrhovnog suda Vesne Medenice a koji se sumnjiči za stvaranje kriminalne organizacije nije raspisana međunarodna potjernica već samo nacionalna.
To znači da Medenica može biti priveden samo u Crnoj Gori, od crnogorske policije, a da strane službe nemaju ta ovlašćenja povodom postupka koji se za njim vodi u Crnoj Gori.
Advokat Zdravko Begović za portal Borba je kazao da je za Medenicom raspisana samo nacionalna potjernica, a ne međunarodna, a po čemu Medenica može slobodno da se kreće po svijetu, iako ga crnogorska policija potražuje.
„Ako se ispune uslovi, može se raspisati i neka druga potjernica, ali sud još uvijek nema mehanizme da ga traži van Crne Gore, već samo u Crnoj Gori“, kazao je advokat.
