Lijepa, njegovana i meka kosa ne mora biti samo nešto što viđamo na reklamama, no za dobre rezultate je potrebna dobra briga.
Ispucali vrhovi i suva kosa mogu stvarati velike probleme jer ukazuju da kosi nešto nedostaje, te da nije dovoljno elastična.
Pitanje koje se često postavlja je da li treba da šišamo ispucale vrhove ili problem možemo da riješimo nekim tretmanom?
No, nisu svi ispucali vrhovi isti, tačnije, nemaju isti rascijep zbog čega ih i treba drugačije tretirati. Vrsta ispucale kose zavisi od količine i uzroka oštećenja. Tako nisu isti ispucali vrhovi kod obojene ili izbeljivane kose kao kod prirodne kose.
Uzrok ispucalih vrhova
Kosu može oštetiti više stvari. Uzroci ispucalih vrhova mogu biti:
– boje za kosu
– izbjeljivač
– vrući alati za ravnanje ili kovrdžanje kose
– pretjerano izlaganje suncu
– vrući fen
– oštro četkanje
Tretman za ispucale vrhove?
Iako brojni frizerski saloni nude različite tretmane za ispucale vrhove, rijetko koji tretman će zaista moći da popravi situaciju, više će je zakamuflirati.
Ako dugo ne tretirate ispucale vrhove oni će se činiti još više ispucalima i kosa će još gore izgledati. Zbog toga se savjetuje pri prvoj pojavi ispucalih vrhova reagovati, po mogućnosti šišanjem.
Ovo su proizvodi koji bi mogli imati uspjeha ako ne želite da se šišate:
– regeneratori koji se ostavljaju u kosi, a ne ispiraju
– regenerišuće maske za kosu koje se ostavljaju oko 10 minuta i koriste svaka tri pranja
– sprej za zaštitu kose od spoljnih uticaja i topline
– ulje za kosu
– serum za kosu
Nemojte koristiti vruće alate
Ako želite lijepu, valovitu ili kovrdžavu kosu, a prirodno imate ravnu, pokušajte s alternativnim načinima stvaranja lokni, poput vezivanja u svilenu traku preko noći.
Korišćenje vrućih alata za kosu poput figara i pegle sigurno će vremenom uticati na stvaranje ispucalih vrhova.
Ako baš morate da koristiti vruće alate, preistih na kosu nanesite sprej za zaštitu od visokih temperatura koji će ublažiti negativan uticaj.
Nemojte trljati kosu peškirom
Trik za manje ispucalih vrhova i što manje raščupane kose je da prestanete da koristite klasičan peškir za brisanje tijela za sušenje kose.
Umjesto frotirskog peškira, odaberite pamučnu majicu koju više ne koristite ili poseban peškir od mikrofibera koji neće oštetiti kosu i izazvati ispucale vrhove.
Promjenite četku za kosu
Na tržištu postoje brojne različite četke za kosu, no manje je poznato da neke mogu izazvati pojačano pucanje vrhova kod određenih tipova kose.
Dobra četkaza kosu ne mora puno koštati, već bi trebalo nesmetano da prolazi kroz kosu. Zbog toga će njen izbor više zavisiti od gustoće i izgleda kose.
Kosu nemojte četkati dok je mokra, već samo kad je gotovo potpuno suva. Do tada je možete lagano razdvajati prstima.
Anastasija Radulović
