Senzacionalan Belgijanac David Gofan bio je na pragu nestvarnogt trijumfa protiv Rafalela Nadana na Mastersu u Madridu, ali je Španac u taj-breku trećeg seta imao više sreće u ključnim trenucima meča.
Nadal je nakon tri sata i osam minuta velike borbe pobijedio Gofana sa 6:3, 5:7, 7:6 (9) i plasirao se u četvrtfinale, gdje čeka boljeg iz duela Karlos Alkaraz – Kameron Nori.
Imao je Nadal sve u svojim rukama, lako dobijen prvi set, i meč loptu pri rezultatu 5:3 u drugom setu na servis Gofana, ali se Belgijanac izvukao.
Odmah potom Nadal je servirao za meč, stigao do 40:30, ponovo imao meč loptu i nije je iskoristio i sve se okrenulo u korist belgijskog tenisera, koji je osvojio narednih pet gemova i meč uveo u pravu dramu.
Kada se stiglo do taj-breka sve je bilo otvoreno, ali je Nadal bolje ušao u posljednji i odlučujući gem meča. Nakon početnog poena Gofana, Nadal je nanizao četiri poena, dva mini brejka, ali je onda proradio Belgijanac i nanizao šest poena, stigao do 6:4 i dvije meč lopte, imao ih je ukupno u taj-breku četiri, ali ih nije iskoristio i Španac je na krilima domaće publike pobijedio sa 11:9.
Nadal je do sada u karijeri osam puta poražen kada je imao meč loptu, mečeras je u Madridu bio blizi devetog takvog poraza, ali je Gofan u odsudnim trenucima posusta i ostao bez zaslužene pobjede.
