Dvije osobe su povrijeđene u pucnjavi iz vatrenog oružja danas popodne u Aračinovu u Sjevernoj Makedoniji. Pucano je na automobile gradonačelnika tog mjesta Ridvana Ibrahimija.
Mediji javljaju da je u pucnjavi povrijeđen Ibrahimijev vozač.
Slobodan pečat javlja i to da je ranjen i Ibrahimi, dok makedonska Telma piše da je gradonačelnik bio u vozilu i da je on zapravo bio meta napada.
Prema nezvaničnim informacijama do kojih je došao Slobodan Pečat, razlog pucnjave je zemljišni spor.
Naime, kako piše ovaj makedonski medij, gradonačelnik je prije deset mjeseci prijavio da mu je jedan mještanin prijetio smrću, nakon čega je policija uhapsila 69-godišnjeg Aračinovaca.
Ridvan Ibraimi je rođen 1984. godine u Skoplju.
Osnovnu i srednju školu završio je u Skoplju, a diplomske i postdiplomske studije na Državnom univerzitetu u Tetovu 2016. godine i stekao zvanje magistra ekonomije na odsjeku za računovodstvo i reviziju.
Na sajtu opštine Aračinovo navodi se da je veoma je upućen u kompjuterske i računarske programe kao i druge internet aplikacije.
Kako se dodaje, posjeduje menadžerske sposobnosti, fleksibilan je za timski rad, i ima sposobnost da završi sve započete stvari u zadatom roku.
Od januara 2010. godine uvijek je na rukovodećim funkcijama u zdravstvenim ustanovama. Prvo u Institutu za rehabilitaciju sluha, govora i glasa u Skoplju.
Od 2012. godine obavlja funkciju organizacionog direktora na Univerzitetskoj klinici za dječje bolesti u Skoplju.
Od novembra 2021. godine izabran je za gradonačelnika Araračinova na opštim i neposrednim izborima.
Bio je učesnik više kongresa i liderskih obuka u zdravstvenim ustanovama.
Ridvan Ibrahimi je oženjen i otac troje djece.
Izvor: Danas
