Korisnici društvenih mreža ostali su šokirani nakon što je objavljena fotografija na kojoj se vidi cijena Kraš napolitanki u jednoj prodavnici za koju pišu da se nalazi u Hrvatskoj.
“Ovo je suluda cijena, ko to može da priušti? “, “Pa mi smo kao djeca ovo stalno jeli, sada ti za njih treba kredit”, nižu se komentari po društvenim mrežama i na Redditu.
Autor jednog komentara naveo je da je cijena tih napolitanki u Nemačkoj pet eura.
“Znači skoro duplo jeftinije nego u zemlji u kojoj se proizvode”, napisao je.
Brojni pišu i kako su navikli da u kući imaju malo napolitanki u posudi na stolu, ali dodaju i kako bi radije, po ovim cijenama, ispred sebe imali neki “konkretan” komad mesa, piše 24 sata.
Tako, kilogram napolitanki u ovoj prodavnici košta 17,38 eura dok se kilogram jagnjetine po većim prodavnicama u Hrvatskoj može naći za 11 do 13 eura, dok je kilogram pilećih bataka oko četiri eura.
Cijeli obrok, koji sadrži kilogram mesa i makar krompir, košta koliko i dvije kutije ovih napolitanki.
Podsjetimo, rast cijena kakaoa već duže vrijeme incira i rast same cijene čokolade, pa su u junu komšije već najavile poskupljenje omiljenog slatkiša.
Tada su iz Kraša potvrdili da su usljed otežanih okolnosti primorani korigovati cijene njihovih proizvoda koji sadrže kakao. Te korekcije su napravljene skladno udjelu kakao dijelova u sadržaju pojedine kategorije proizvoda.
Šta biste prije kupili, meso ili slatkiš?
Izvor: Telegraf biznis
