Predrag Mijatović, crnogorska legenda Reala, ima izraženu averziju prema jednoj pjesmi koja mu se zamjerila još dok je nosio dres kluba iz Madrida. Ovu pomalo bizarnu informaciju otkrio je u svom nedavnom gostovanju na K1 televiziji, tokom kojeg je odgovorio ne nekoliko neformalnih pitanja.
“Kad je izašla ona pjesma, ako se sjećate “Macarena”, pitaš se što li znači macarena, jao… Ta pjesma koliko god da je bila popularna, ja je ne podnosim. Najodvratnija pjesma u istoriji muzike”, rekao je Mijatović pa otkrio da ju je imao priliku slušati i uživo jer je Real, kad je njegovim golom nakon 32 godine osvojio Ligu prvaka, na proslavu doveo baš bend Los del Río.
“Osvojimo finale Lige prvaka nakon 32 godine, Real Madrid postaje prvak Europe. I ko bude gost na Bernabeu u čitavom tom ludilu koje se organizuje? Ona dvojica, jebote, to pjevaju”, rekao je Mijatović i nasmijao sve u studiju.
Izvor: Index.hr
