Legendarni Šekil O’Nil smatra da je košarkaš Oklahoma Siti Tandera Šej Gildžus-Aleksander trebalo da bude MVP.
Šek je odabrao pošten pristup, pa je to i rekao Jokiću tokom intervjua.
“Džokeru, kao predsjednik Saveza centara, ti si potpredsjednik Saveza. Znaš da te volim, ti si najbolji igrač u ligi. Želim da ti čestitam, ali želim prvo da čuješ od mene. Mislim da je SGA trebalo da bude MVP. To nije nikakvo omalovažavanje tebe, ali čestitam“, rekao je Šek.
Nije se Jokić pretjerano potresao:
“Hvala, Šek. Mi ovdje ne osuđujemo ljude, znaš, tako da je to u redu. To je tvoje mišljenje. Šalim se“, uz osmjeh je odgovorio.
O’Nil je potom naglasio da nema ništa protiv njega.
„Volim te, volim tvoju braću. Jedna stvar koju ćemo uvijek raditi jeste da budemo iskreni jedni prema drugima. Čestitam. Volim te“.
Na to mu je Jokić odgovorio:
“Ne, ozbiljno, mislim da ima mnogo igrača koji zaslužuju. Znaš, vjerovatno su to sitnice i male stvari koje odluče. Ali da, iza nas je težak period. Izgubili smo dvije utakmice zaredom kod kuće protiv Minesote. Sjutra idemo idemo u Minesotu da pokušamo da vratimo seriju u Denver”.
Izvor: SK
