Makarone sa sirom i brokolijem idealne su kao brzinski obrok za sve ljubitelje tjestenine.
Sastojci:
200 g makarona
350 g cvjetova brokolija
340 g kukuruza šećerca
40 g putera
40 g običnog brašna
600 ml mleka, zagrijanog
1 kašičica senfa
175 g rendanog kačkavalja
Recept:
Zagrijte rernu na 200 °C. Makarone kuvajte u slanoj vodi 5 minuta. Nasjecite brokoli na male cvjetove, dodajte u šerpu i kuvajte još 3 minuta dok makaroni i brokoli ne omekšaju. Ocijedite i prebacite u vatrostalnu posudu.
Da biste napravili sos rastopite puter u tiganju, umiješajte brašno i pržite na srednjoj vatri jedan minut. Sklonite sa vatre i postepeno dodajte mlijeko, dobro miješajući nakon svakog dodavanja. Vratite na vatru i kuvajte, miješajući, dok se sos ne zgusne. Sklonite sa vatre, dodajte senf i začinite solju i biberom. Dodajte tri četvrtine kačkavalja i miješajte dok se sir ne otopi.
Ubacite i kukuruz i potom sve sipajte u posudu i promiješajte sa makaronama i brokolijem. Po vrhu posipajte preostali sir, pa pecite u rerni 20 minuta dok ne porumeni.
Izvor: Stvar ukusa
