144
Poljakinja Iga Sfjontek došla je do četvrte titule na Rolan Garosu.
Ujedno, to je i treća uzastopna pobjeda nad italijanskom senzacijom Jasmin Paolini.
Sfjontek je slavila rezultatom 6:2, 6:1 za 21.
Samo je početak duela opravdao očekivanja u velikom finalu, jer je Paolini već u 3. gemu došla do brejka i povela 2:1.
Iga je očigledno u tim momentima samo hvatala zalet za ono što će se dogoditi nešto kasnije.
To je, pišu svjetske agencije, bio posljednji momenat finala u kojem je djelovalo da najbolja teniserka današnjice može da upadne u probleme.
Uslijedila je serija Sfjontek od čak 10 gemova, pa je Paolini iz minuta u minut bila više sparing partner nego dostojna rivalka igračici koja je ovaj turnir prije het-trika osvojila i 2020.
