Na zelenoj pijaci u Gintašu mogu se kupiti i jagode, ali za ovo voće morate izdvojiti 12 eura za kilogram.
Zbog cijene, kako kažu prodavci, najviše se kupuje pola kilograma. U ovom periodu godine najtraženije su mandarine koje koštaju euro. Tako se za kilogram jagoda može kupiti 12 kila mandarina.
Pomorandže koštaju tri eura, koliko je potrebno izdvojiti i za limun. Italijansko bijelo grožđe nuđeno je za šest eura, dok je crno dva eura jeftinije. Jabuke su dva eura, a japanske jabuke duplo skuplje. Kruške su koštale četiri, a za banane je potrebno izdvoji dva eura. Kilogram dunja košta od tri do četiri eura. Nar i šljive su po tri, a pipun šest, dok je kivi dva eura. Niz suvih smokava je pet eura. Za kilogram kestena potrebno je izdvojiti pet eura.
Kilogram krompira mogao se kupiti od 0,80 do euro, a prodavci nude i pet kilograma za četiri eura. Krastavac košta dva eura, a paradajz je skuplji za 50 centi. Za crni luk potrebno je izdvojiti od 1,50 do 2,50, dok su paprike od euro do 1,50 eura. Tikvice su 1,50, a bijeli kupus euro, dok je kilogram kisjelog kupusa 2,50 eura.
Izvor: Dan
